ఐఐటీ లు – ఆత్మ హత్యలు :

ఐఐటీ లో సీట్ వచ్చిందంటే” లైఫ్” అనే సినిమా సూపర్ హిట్ అయినట్టేనని, మన దేశం లో కోట్లాది మంది పేరెంట్స్ నమ్ముతారు .

పరీక్ష రాసేది పన్నెండు లక్షల మంది .. చివరకు సీట్ సాధించేది 16 వేలమంది .

అంటే ఐఐటీ లో సీట్ కొట్టిన వారు త్రీ రోజెస్ టీ లాగ, “వేలాది లో ఒక్కరు” .

ఐఐటీ లో విద్యా ప్రమాణాలు చాలా బాగుంటాయి .

కోర్స్ పూర్తి చేస్తే భారీ శాలరీ ప్యాకేజీ తో మంచి ఉద్యోగం ఖాయం .

మరి ఆత్మ హత్యలెందుకు ?

ఏదో ఒకటి రెండు అయితే ఏదో అనుకోవచ్చు .

ఐఐటీ చెన్నై లో గత రెండు నెలల్లో నాలుగు ఆత్మ హత్యలు .

అన్ని ఐఐటీలలో కలిపి నాలుగేళ్లలో నలబై దాకా !

ఎందుకిలా ?

1 . ఐఐటీ ఫౌండేషన్ పేరుతొ ఆరో తరగతి నుంచే పిల్లల్ని ఆటపాటలుకు దూరం చేస్తున్నారు . దీని వల్ల , వీరిలో గ్రోత్ హార్మోన్ లోపం ; హ్యాపీ హార్మోన్స్ తగినంత ఉత్పత్తి కావు . విపరీతమైన ఒత్తిడి వల్ల కార్టిసోల్ ఉత్పత్తి అవుతుంది . దీని వల్ల చిరాకు , అసహనం , నిద్ర లేమి , ఆత్మ న్యూనతా భావం , అభద్రత , కుంగుబాటు లాంటి నెగటివ్ మానసికోద్వేగా భావాలు కలుగుతాయి . ఒక అంచనా ప్రకారం ఐఐటీ లో చదివే విద్యార్థుల్లో ప్రతి ముగ్గురిలో కనీసం ఒకరు డిప్రెషన్ లాంటి మానసిక రోగాలతో బాధ పడుతున్నారు .

2 . క్రీడలకు దూరం కావడం వల్ల క్రీడా స్ఫూర్తి కొరవడుతోంది . చిన్న సమస్యకు కుంగిపోవడం .. ఆత్మ హత్యలు ..

౩. తెలుగు , ఇంగ్లీష్ హిందీ .. ఈ సబ్జెక్టు లో అంతర్లీనంగా లైఫ్ స్కిల్స్ పాఠాలుంటాయి. ఐఐటీ ఫౌండేషన్ లో కేవలం గణితం , భౌతిక శాస్త్రం పై ద్రుష్టి నిలపడం జరుగుతోంది . కేవలం పరీక్ష కోసం తూతూ మంత్రంగా లిటరేచర్ అలాగే సోషల్ స్టడీస్ ను చదవక పోవడం వల్ల , ఇంగిత జ్ఞానం , సామజిక -భావోద్వేగ తెలివితేటలు లోపిస్తున్నాయి .

4 .ఐఐటీ క్యాంపస్ లో కుల వివక్ష దారుణంగా ఉంటోంది . నిమ్న కులాల వారి ని టార్గెట్ చేసుకొని వ్యవహారాలు నడుస్తుంటాయి .

పరిష్కారం :

ప్రపంచం లో ఎన్నో ఉత్తమ విద్యా సంస్థలున్నాయి . వాటికీ ప్రవేశ పరీక్షలున్నాయి . ఆ పరీక్షల కోసం మహా అంటే ఆరు నెలలు ప్రిపేర్ అయితే సరిపోతుంది . చిన్నపటి నుంచి సంపూరణాత్మక విద్య పొందిన విద్యార్థులకు ఈ ప్రిపరేషన్ కూడా పెద్దగా అవసరం లేకుండా పోతుంది .

దీనికి బిన్నంగా ఐఐటీ జేఈఈ పరీక్షను రూపొందించారు . ఏళ్ళ తరబడి గణితాన్ని భౌతిక శాస్త్రాన్ని చదివిన వారికి.. అది కూడా క్రీడలు అల్ రౌండ్ డెవెలప్మెంట్ లాంటి వాటిని పక్కన పెట్టి, కోచింగ్ కోళ్లుగా మారిన వారికి మాత్రమే, ఈ పరీక్ష లో విజయం దక్కేలా ఆ పరీక్ష ను డిజైన్ చేసారు .

పేరుకు ఎన్నో సంస్కరణలు వచ్చాయి . అంతా గారడి ! నాటకాలు .. పచ్చి బూటకాలు.

ఐఐటీ కోచింగ్ వేల కోట్ల ఇండస్ట్రీ . ప్రత్యక్ష పరోక్ష పాత్రధారులు ఎంతో మంది . లబ్ది దారులు ఎంతో మంది . పాపపు సొమ్ము కు అలవాటు పడిపోయారు . మనిషి రక్తం మరిగిన పులి శాఖాహారి అవుతుందా ? .

ఏదో అద్భుతం జరిగితే తప్పించి వ్యవస్థ మారదు .

ఆరో తరగతి నుంచే కోట్లాది పిల్లల బాల్యం బుగ్గి పాలవుతోంది . ఇంటర్ .. అది ముగిసాక పరీక్ష రాసేవరకు బతుకు పరమ దుర్భరం బ్రిటిష్ కాలం నాడు పోర్ట్ బ్లెర్ లోని సెల్యూలర్ జైలు . నేడు కోట ..ఇంకా తెలుగు నాట కార్పొరేట్ కోళ్ల ఫారాలు .కోట లో కోటి కన్నీటి కథలు . తెలుగు నాట కోళ్ల ఫారాలలో ఎనెన్నో వ్యధలు.

లక్షల్లో ఒకడుఐఐటీ డిగ్రీ తో అమెరికా కెళుతాడు . అమెరికా కు వెళ్ళిపోతే సినిమా సూపర్ హిట్ అనుకొనే ఇక్కడి పేరెంట్స్ కు అక్కడి పిల్లలకేసే గంపెడు వాక్ సీన్ లు . దాని వల్ల పుట్టబోయే మనుమలు మనుమరాండ్రు కు వచ్చే అవకాశమున్న ఆటో ఇమ్యూన్ వ్యాధులు , ఆటిజాలు గురించి తెలియదు . చెప్పినా నమ్మరు . చెప్పేవాడికి మతి లేదని లేదా అందని ద్రాక్ష పుల్లన అంటారు.

అజ్ఞానమే ఆనందం.

అర్జెంటు గా అమెరికా కు వెళ్ళిపోవాలి . అక్కడి డాలర్ లు ఇక్కడికి పంపిస్తే నాలుగు సైట్స్ కొనాలి . అందరితో గొప్పలు చెప్పుకోవాలి . అటు పై అరవై అయిదు వచ్చే వరకు రెండేళ్లకు ఒక సారి అక్కడికెళ్లి వచ్చి నాలుగురుకి కబుర్లు చెప్పాలి .. ఇదీ ఆలోచన … .ఇదీ తీరు

ఈ పోస్ట్ భావమేమి ?

ఐఐటీ లో చేరొద్దన్నా ? అమెరికా కు వెళ్లొదనా ?

కానే కాదు. ఐఐటీ లు ప్రపంచ స్థాయి సంస్థలు . ఉత్తమ విద్యా ప్రమాణాలు .

అమెరికా కో మరో చోటుకు వెళ్లడం సహజం . మనది నేడు విశ్వ గ్రామం . రానున్నది రోబో యుగం .

అమెరికా కో ఇంకో చోటుకు వెళిపోతేనే సమస్యలు పరిష్కారం అయిపోతాయి .. అక్కడికి పొతే ఇక సమస్యలే ఉండవు –అనుకోవడమే పెద్ద సమస్య .

సమస్యలు లేని చోటు సమాధి ఒక్కటే ..

సమస్యలు లేని జీవితం నరకం అని తెలుసుకోకపోవడం వీరి అజ్ఞానం

తాను సాధించలేని దాన్ని పిల్లల ద్వారా సాకారం చేసుకోవాలని అనుకోవడం .

పిల్లల ఆప్టిట్యూడ్ పట్టించుకోక పోవడం .

అన్నిటికీ మించి “కోచింగ్ కోసం .. కోచింగ్ ద్వారా … కోచింగ్ మూలంగా” సాగే ఐఐటీ సీట్ ల భర్తీ . అందుకే ఒక టీవీ ఇంటర్వ్యూ లో నేను ఐఐటీ లు దేశానికి పట్టిన దరిద్రం అని చెప్పాను. కోట్లాది పిల్లల శారీరిక, మానసిక ఆరోగ్యాన్ని మొత్తంగా చెప్పాలంటే జీవితాన్ని నాశనం చేసి సాగుతున్న రాక్షస క్రీడ ఐఐటీ జేఈఈ పరీక్ష .

ఐఐటీ లు సంతోష కర జీవనాన్ని సాగించడానికి ఒక మార్గం . ఎవరూ కాదనలేని సత్యం .

కానీ ఐఐటీ లో సీట్ సాధించడమే జీవితం . ఆ ప్రయత్నం లో పిల్లల మానసిక శారీరిక ఆరోగ్యం ఎంత నాశనం అయినా ఫరవాలేదు అనుకొనే సగటు మధ్య తరగతి పేరెంట్ మనస్తత్వం మారనంత వరకు… ఇండియా లో బాల్యం శాపమే ! .

Amarnath Vasireddy

ఇలాంటి మరోన్నో అంశాలపై పోస్ట్ లు నా Telegram Channel లో చూడొచ్చు. ఛానల్ లింక్స్ కోసం 

 7207439500 కి Telegram app  లో msg చేయండి 

లేదా 

Join my  WhatsApp community. https://chat.whatsapp.com/BWJMH7xD7UuJG5bEQXID1N

You Can Also Follow me on

Facebook Page
https://www.facebook.com/ismartmathsapp
Facebook Profile
https://www.facebook.com/shravanmaths

Facebook Group

https://www.facebook.com/groups/ShravansMathsInstagram

https://www.instagram.com/shravanmaths/Twitter

https://twitter.com/jsk22330/